छोडेर जानेको याद खुब आउछ

 मलाई छोडेर जानेहरुको खुब याद आउँछ 

कहिले छोडेर जानेहरू फर्केर आउँछन् भन्ने लाग्छ 

त्यसैले तिम्रो  याद आउँछ 

तिमी आउछौ की आउँदैनौ केही पत्तो छैन 

तर पनि तिमी फर्केर आउछौ भनी 

दिनहरू सधैं पर्खेर बस्छन् 

दिन आउँछन् पर्खन्छन् र जान्छन् 

फर्केर आउनेहरू आउँदैनन्

त्यसैले मलाई छोडेर जानेहरुको याद आउछ।

यी यादहरु तिम्रा कस्ता हुन   

खै! कुनै कष्ट नै दिँदैनन् 

घाउ जस्ता छन, धेरै छन् 

दुख्दै दुःख्दैनन्

अचम्मका छन् तिम्रा सम्झनाहरु अनि तिमी 

मस्तिष्कबाट मेटिदै मेटीदैनौ 

तिमी हराएको धेरै भयो 

म पर्खिरहेको आज पनि अबेर भयो

तिमी अझै पनि भेटीदै भेटिदैनौ

नभेटिने मान्छेहरू सधैं साथमै हुनछन् जस्तो लाग्छ

छोडेर जानेहरु फर्केर आउँछन् जस्तो लाग्छ

त्यसैले तिम्रो याद आउँछ,खुब याद आउछ ।

तिम्रो याद आउँछ, जहिले आउँछ 

अन्धकार भएको बेला प्रकाश बनेर आउँछ 

शून्य भएको बेला अर्थ बनेर आउँछ

मौनताको बेला शब्द बनेर आउँछ 

जागर हराएको बेला ऊर्जा बनेर आउँछ 

म हराएको बेला, मलाई भेट्न समझना बनेर आउँछ 

फर्की फर्की फरक फरक दिन उही याद आउँछन

तिम्रा याद आउँछन् 

कहिले नआउने तिमी, तिम्रो याद भने आइरहन्छ 

माया लाग्नेको खुब याद आइरहन्छ ।

पर्खिरहेको म , नफर्किने तिमी 

उडिरहने हावा तिमी  , अडिरहने वायुमण्डल म

पर्खिरहेको बगर म, बगी गएकी खोला तिमी 

पर्खिने र फर्कने यो खेलमा 

फर्कनेहरुले बाटो विर्सेलान 

पर्खनेहरु सधैं कुरी बस्छन् 

हरेक खोला बाह्र वर्षमा फर्किन्छ भन्छन् 

हामीले हामीलाई छोडी गएको कति भयो 

अब भन हामी कति वर्षमा फर्कन्छौ 

अनि भन म कति वर्ष पर्खु 

तिमी कहिले फर्कन्छौं  ??